Unipaj Twitter Youtube Sit la an kreyòl
Logo du MARNDR Sib
Politik Agrikòl
Enfrastrikti agrikòl
Pwodiksyon Nasyonal
Ankadreman

Entran agrikol

Entran, zouti ak ekipman agrikòl

Posibilite pou jwenn entran, zouti ak ekipman agrikòl, se youn nan kondisyon pou pwodiktè yo rive aplike teknik ki pou pèmet yo fè plis pwodiksyon epi fè plis kòb.

Nan fen ane 2009 la, jis anvan trableman tè 12 janvye a, Ministè Agrikilti te kontan anonse yon ogmantasyon 25% pwodiksyon agrikòl la. Youn nan bagay kite pèmèt ogmantasyon sa a epi ki te pèmèt redui kantite moun ki manje mal soti nan 3 milyon moun desann a 1.9 milyon moun, sete pwogram angrè, semans ak zouti.

Nan ane 2008 ak 2009, Ministè Agrikilti ak patnè l yo de distribye plis pase 150 traktè, 200 motokiltè. Pwogram vant 20 000 ton angrè te pèmèt pri angrè soti nan 1500 goud sak, desann a 500 goud. Semans mayi, pwa ak tip ye bannann te fè mikalaw. Nan zafè semans sa a, gen plizyè bèl pwogram ki koumanse bay bonjan rezilta.

Pwogram sa yo merite gaye nan peyi a. tankou pwogram semans mayi ak semans diri bon kalite k ap pèmet ogmante pwodiksyon sou yon menm kantite tè. Pwogram plan bannan ki reziste ak maladi sigatoka, pwogram miniset ki pèmèt demiltiplye pwodiksyon yanm. Gen lòt teknik ki pwal gaye tankou, pwogram kontwol maladi silas nan patat, kote yo prepare pyèj ki te konn fè gwo dega nan kilti sa a.

Menm jan tou pwogram pyèj pou kontwòl mouch ki konn anvayi mango, ak pwogram pyèj pou kontwol eskolit kafe. Mango ak kafe si pi gwo pwodui ekspòtasyon peyi d Ayiti.

titre documents joints